Краса беларускага краю I творчае думкi ўзлет, Табе сваю песню складаю, Мой горад герой-патрыёт. Хай удалеч песня мчыцца Над краiнай дарагой, Ты спявай, мая сталiца, Родны сэрцу горад мой.
I паркi твае, i бульвары Люблю я вячэрняй парой. Паўсюль закаханыя пары I шэпат, i смех над ракой. Хай удалеч песня мчыцца Над краiнай дарагой, Ты спявай, мая сталiца, Родны сэрцу горад мой.
Тваёй ганаруся я славай, I рады я шчырай душой, Што ў гэтай красе велiчавай Ёсць доля i працы маёй. Хай удалеч песня мчыцца Над краiнай дарагой, Ты спявай, мая сталiца, Родны сэрцу горад мой.
